ރަމަޟާން މަހުގެ ފުރަތަމަ 10 ދުވަހު 2.9 މިލިއަނަށް ވުރެންގިނަ ރުފިޔާ ވަނީ ލިބިފައެވެ.
ޒަކާތު ހައުސްގެ ކައުންޓަރު ތަކުންނާއި އޮންލައިން ޕްލެޓްފޯމްތަކުން ލިބިފައިވާ ފިޠުރުޒަކާތުގެ ތަފާސްހިސާބުތަކަށް ބަލާއިރު 1446 ހ. އަހަރުގެ ރަމަޟާންމަހުގެ ފުރަތަމަ 10 ގައި 2913839.61 ރުފިޔާ ވަނީ ލިބިފައެވެ.
ފާއިތުވެދިޔަ 5 އަހަރާ އަޅާބަލާއިރު އެއީ ވަރަށް ބޮޑު އިތުރުވުމެކެވެ. އެހެން އަހަރުތަކާ އަޅާ ބަލާއިރު މިއަހަރު އޮންލައިން ޕްލެޓް ފޯމްތަކުން ޒަކާތް ދައްކާމީހުން ވަނީ އިތުރުވެފައެވެ.
ފިތުރުޒަކާތް އޮންލައިންކޮށް ދެއްކޭނެ ގޮތްތައް:
1. ދިރާގު: ދިރާގު އެޕް އަދި ދިރާގު ޕޭ (ވެބްސައިޓު އަދި އެސްއެމްއެސް މެދުވެރިކޮށް)
2. އުރީދޫ: އެމް ފައިސާ (އެޕްލިކޭޝަން އަދި އެސްއެމްއެސް)
3. އެމްއައިބީ: ފައިސާ މޯބައިލް އެކްސް (އެޕްލިކޭޝަން އަދި ފައިސާ ނެޓް)
4. ބީއެމްއެލް: ބީއެމްއެލް މޯބައިލް (އެޕްލިކޭޝަން އަދި ވެބްސައިޓް)
5. ފަހިޕޭ: ފަހިޕޭ (އެޕްލިކޭޝަން އަދި ވެބްސައިޓް)
6. ފިނޭންސް މިނިސްޓްރީ: ބަނޑޭރިޕޭ/ ވެބްސައިޓް/ ޕޯޓަލް
2 މާރިޗް 2025 ން 20 މާރިޗް 2025 ރަސްމީ ބަންދުނޫން ކޮންމެ ދުވަހަކު 9:30 ން 13:00 އަށް އަދި ރަމަޟާންމަހުގެ ފަހުދިހައިގެ ދުވަސްތަކަކީ ސަރުކާރު ބަންދު ދުވަސްތަކެއް ކަމުގައި ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު ކަނޑައަޅުއްވާފައިވާތީ، 23 މާރިޗު 2025 ން 30 މާރިޗު 2025 ހުކުރު އަދި ހޮނިހިރު ދުވަސް ފިޔަވައި ކޮންމެ ދުވަހަކު 11:00 ން 14:00 އަށް ކައުންޓަރުން ބަލައިގަތުމަށް ވަނީ ހަމަޖެހިފައެވެ.
ރަމަޟާންމަހުގެ އެންމެ ފަހުދުވަހު އިރުއޮއްސި 6:00 ޖަހަންދެން ބަޑޭރި ޕޭ އަދި ފަހި ފޭ މެދުވެރިކޮށް ޒަކާތް ދެއްކޭނެއެވެ.