ދިވެހިރާއްޖޭގެ ޒަކާތު ހައުސްގެ މުވައްޒަފުން ދިވެހި ބަހާއި، އޮފީސް މާހައުލުގެ އަދަބުތަކަށް އަހުލުވެރިކުރުމަށް ޚާއްޞަ ސެޝަންއެއް ކުރިއަށް ގެންގޮސްފިއެވެ. މި ސެސަޝަން ކުރިއަށް ގެންގޮސްފައިވަނީ އިސްލާމީ ކަންތައްތަކާބެހޭ ވުޒާރާގައެވެ.
މި ސެޝަންގައި ސިޓީ ލިޔުމުގައި ސަމާލުކަންދޭންވީ ކަންކަމާއި، ފޯނުން މުޢާމަލާތްކުރުމުގައި ގެންގުޅެންޖެހޭ އަދަބުތަކާއި، ދިވެހި ބަހުގެ ދަރަޖަތައް ކިޔާދެއްވާފައިވެއެވެ. ހަމައެއާއެކު އޮފީސް މާހައުލުގެ އަދަބުތަކަށް އަހުލުވެރި ވެވޭނެ ގޮތްތަކަށްވެސް މިސެޝަންގައި އަލިއަޅުއްވާލެއްވިއެވެ.
ޒަކާތު ހައުސްގެ މުވައްޒަފުންނަށް ޙާއްޞަކޮށް ކުރިއަށްގެންދިޔަ މި ސެޝަން ނަންގަވާ ދެއްވާފައިވަނީ އިސްލާމީ ކަންތައްތަކާބެހޭ ވުޒާރާގެ ސްޓޭޓް މިނިސްޓަރ އަލްއުސްތާޛް ޢަބްދުލްޢަޒީޒް ޖަމާލް އަބޫބަކުރެވެ. މި ސެޝަން ތަކަކީ ޒަކާތު ހަުއުސްގެ އެވެއަރނަސް ޔުނިޓުން މުވައްޒަފުން ތަމްރީނު ކުރުމާއި ހޭލުންތެރިކުރުމަށް ކުރިއަށް ގެންދާ ސެޝަން ތަކެކެވެ. މިފަދަ ސެޝަންތައް ކުރިއަށް އޮތްތަނުގައިވެސް ކުރިއަށްގެންދިއުމަށް ދަނީ ތައްޔާރުވަމުންނެވެ. އެގޮތުން ޒަކާތު ހައުސްއިން ގެންގުޅޭ އުސޫލުތަކަށް ހޭލުންތެރި ކުރުމަށް ޙާއްޞަ ސެޝަންތަކެއް ކުރިއަށް އޮތް ދުވަސްތަކުގައި ގެންދެވޭނެއެވެ.
