އަޅުގަނޑުގެ އެޕާރޓްމެންޓްގައި ހުންނަ ކޮޓަރިއެއް ކުއްޔަށްދީގެން މަހުން މަހަށް ކުލީގެ ގޮތުގައި އާމްދަނީ ލިބެއެވެ. އަޅުގަނޑު އެފައިސާ ރައްކާ ކުރުމަށްޓަކައި ވަކިން ބަހައްޓަމެވެ. އެފައިސާއިން ޒަކާތް ދައްކަން ޖެހޭނެތޯ؟

ޢިލްމުވެރިން ވިދާޅުވާ ގޮތުގައި މުދަލަކުން އާމްދަނީ ލިބޭ ކަމުގައިވަނީނަމަ، އެމުދަލަކުން ޒަކާތް ނެރުން ވާޖިބުވާނެއެވެ. އެގޮތުން ބަލާއިރު ތިޔަ ވިދާޅުވާ ކޮޓަރިން ކުލީގެ ގޮތުގައި ލިބޭ ފައިސާ ރައްކާ ކުރެވޭނަމަ، އަދި އެރައްކާ ކުރެވޭ ފައިސާއިން ނިޞާބު ހަމަވެ، ނިޞާބަށްވުރެ މަދުނުވެހުރެ ހަނދުމަހުން އަހަރެއް ވެއްޖެނަމަ، އެފައިސާއިން ޒަކާތް ދައްކަން ޖެހޭނެއެވެ.