ޒަކާތް ވާޖިބުވުމުގެ ޝަރުޠުތަކުގެ ތެރޭގައި އެމުދަލަކީ އިތުރުވެ ގިނަވާ މުދަލަކަށްވުން ހިމެނެއެވެ. ދެން އޮތް ޝަރުތަކީ މުދަލަކީ އިތުރުވެ ގިނަ ނުވިޔަސް އެމުދަލުން އޭނާއަށް އާމްދަނީ ލިބުމެވެ. ގޭގައި ހިފާގެންގުޅޭ ތަކެތިން އާމްދަނީއެއް އެމީހަކަށް ނުލިބޭނަމަ އެއިން ޒަކާތް ދެއްކުމެއްނެތެވެ. އެއިން އާމްދަނީ ލިބޭނަމަ، އެ ލިބޭ އާމްދަނީއަކުން ޒަކާތް ދައްކަން ޖެހޭނެއެވެ. ކީރިތި ރަސޫލާ ﷺ ޙަދީޘް ކުރައްވާފައި ވެއެވެ. " ليس على المُسلِم في عبدِهِ وَلاَ فَرَسهِ صَدَقَة " މާނައަކީ "މުސްލިމަކަށް އޭނާ ގެންގުޅޭ އަޅުމީހާ އަދި އޭނާގެ އަހުން ޞަދަޤާތް (ޒަކާތް) ނެރުމެއް ނުވެއެވެ." މި ޙަދީޘްބަސްފުޅުން އެނގޭ ގޮތުގައި އޭގެ އަމިއްލަ ޒާތުގައި ގިނަވެ އިތުރުނުވާ މުދަލުން ނުވަތަ އެމީހަކަށް އެއިން އާމްދަނީ ނުލިބޭ މުދަލަކުން ޒަކާތް ދައްކުމެއް ނެތެވެ.
- ސުވާލު ނަންބަރު: 19
